ફૂલો સાથે

ફૂલો સાથે કરવા ગોઠડી સહજ પ્રવેશ્યો ઉપવનમાં

મધુકર દલનું મિલન જોઈ વાત રહી મનની મનમ

ત્યાં થયું આગમન મંદ પવનનું

ફૂલોની કાયા ડોલી

પાંખડીએ નીજમાં પ્રગટી

ફોરમની બારી ખોલી

નિ :શબ્દ બની નીરખ્યા કરું વિસ્મય સમાયું નયનમાં

ફૂલો સાથે કરવા ગોઠડી સહજ પ્રવેશ્યો ઉપવનમ

કોઈ સુંવાળા હાથોએ ઋજુ

ફૂલોને ચૂંટી લીધા

દલદલના સ્મિતને એ

પળમાં લૂંટી લીધા

સ્તબ્ધ થઈ ઊભો રહ્યો ચેતન હણાયું તનમનમાં

ફૂલો સાથે કરવા ગોઠડી સહજ પ્રવેશ્યો ઉપવનમાં

નીતિન વિ મહેતા